الأربعاء، 16 نوفمبر، 2011

معرفش بحبك لية !!

أنا معرفش بحبك ليه !!!
ياما سألونى بحبك ليه ؟
وأنا معرفش أرد بأيه !!!
سألوا وزادو غلاوتك عندى
يا بلد أمى وأبويا وجدى
يا سبب غلبى وسعدى وحيرتى
وأنا معرفش بحبك ليه !!!
ياما سألونى بحبك ليه ؟
لآموا عليا فى حبى أنا ليكى
وأنا من عشقك دايب فيكى
أنتى فى عينى صبية ومهرة
وأنا خيالك مغرم بيكى
يبقى السر فى حبك أيه ؟
ياما سألونى بحبك ليه ؟
قالوا ولسه وياما هيقولوا
على اللى مضيع عمره فى حبك
لو عاشوا فيكى كانوا هيقولوا
ما أحلى عذابك لوكان جنبك
ويبقى سألهم ردوا علية
وانا معرفش بحبك ليه !!!

أنا الوطن

لا فرح عادى .. لا حزن عادى
فرحة ودمعة فى عيون ولادى
أنا الوطن اللى حضن أرضه الشهيد
أنا الوطن اللى أرتوى بدم الشهيد
وأنا الوطن اللى أتولد أنسان جديد
وأنا الوطن اليوم بقول
لا فرح عادى .. لا حزن عادى
فرحة ودمعة فى عيون ولادى
أنا الوطن اللى ابتدى عهده الجديد
بنوايا شر ومدارية فى كل أيد
أنا الوطن شارد وحلمى مش بعيد
وأنا الوطن واليوم بقول
لا فرح عادى .. لا حزن عادى
فرحة ودمعة فى عيون ولادى
أنا الوطن فرحى وحزنى متبدلين
فى عيونى فرحة فى عيونى دمعة
وعيونى فيكم حيرانين
أنا الوطن ومستحيل أقبلكم لو مستسلمين
أنا الوطن واليوم بقول
لا فرح عادى .. لا حزن عادى
فرحة ودمعة فى عيون ولادى
أنا الوطن يا ولاد ولادى ومفطومين
على خير وشر مسلم مسيحى يا مؤمنين
الدين.. لربنا فى السما.. أما أنا.. للطيبين

amr ibrahim 16/11