الثلاثاء، 11 أكتوبر 2011
أرفض أكمل
أرفض اكمل.. أقبل أكمل
طب ليه أكمل ... وانا مش سعيد
أضحك مكشر .. أزعل مكشر
على طول مكشر .. ومفيش جديد
أفرح ببكى .. أحزن ببكى
من همى ببكى.. على كل أيد
الصبح وقفه .. الظهر وقفه
الليل وقفه .. والعيد بعيد
الحداد - amr ibrahim
مربوط لسانى وكلامى
مخنوق فى عينى الدموع
عايز اصرخ وابكى
ونارى ساكنة الضلوع
محتار أقول م اللى قاتل
محتار أقول م القتيل
بس النتيجة انى عارف
م اللى قتل القتيل
ياناس هاتولى المداوى
يداوى داء العليل
والصبر م صبرى ولا
وحزين وصبرى قليل
ولادنا قتلوا ولادنا
ومكملين فى عنادنا
وليه نخبى الحقايق
وليه الهروب من المصير
ومين يقول ده حرام
الدم دم حرام
جندى ومدنى اتقتل
انسان قتل انسان
الاشتراك في:
الرسائل (Atom)