السبت، 25 يونيو 2011

مش أنتى                                                       عمرو ابراهيم
هو أنتى أنتى ولا أنتى واحدة تانية
تشبه ليكى أنتى
أنتى حبيبتى لا مش مصدق
 م اللى شفته منك أنتى
راح فين هوانا وحبنا اللى أحنا
كنا بيه طيور فوق السحاب
راح فين غرامنا وعشقنا
أنتى حقيقة مش كدة ولا سراب
أنتى مش أنتى يانجمه جايا من السما
حامله نسايم فل وورود
لوكنتى أنتى يبقى أنا مش أنا وعقلى أختفى
من مطروحه ومش راح يعود
يمكن ساعات
بيفوتنى أنى أسالك مالك فى أيه
لكن كتير
بهتم بيكى وبعرفك لوكان فى أيه
أنتى ملاك لا مش ملاك
أنتى أمتلاك ظلم وهلاك
أنتى قمر لا مش قمر أنتى بشر
 قلبه أنقسم نصه غدر ونص تانى للأسف أصبح حجر
أنتى مش أنتى ومستحيل أبدا" تكونى أنتى حبيبتى
حبيبتى طفله صغيرة ليها البراءة بتنتمى
علمتها وكبرتها وأدبى ليها ينحنى
وأكيد مش أنتى وأنا مش أنا ومش هوا ده كان وعدنا

هو أنا أتخلقت ليه؟

هوا انا اتخلقت ليه                                                   عمرو ابراهيم
هاعمل قانون .. قانون يحاكم المحاكم الدولية
واعمل قاموس .. والغى فيه اى كلمه عنصرية
هاعمل قانون .. قانون يحاكم الفاشية والنازية
انا ضدد فكرة السامية الاضطهادية
انا ضدد اى فكرة عنصرية
انا مين وايه .. ده مش مهم
بس الاهم هوا انا اتخلقت ليه
اكون شيوعى او يمينى او يسارى
اخوانى سلفى او مارينز او انتحارى
ده كله ليه والاخر ايه
المهم هوا انا اتخلقت ليه
اسمى ولونى .. جنسى ودينى
شمالى نوبى او دورزى كوفى او جنوبى
هتفرق ايه
كل المهم هوا انا اتخلقت ليه
هاصدر بيان .. وسط الميدان
معناه تعالوا نكتشف سر الحياة
واكيد هنعرف كلنا اتخلقنا ليه    
عمرو ابراهيم     

السبت، 4 يونيو 2011

                      وقف العرب                                 عمرو ابراهيم

وقف القلم عن الكتابة وقوام بكينا بالدموع
وهيعملو ايه الغلابه ولاه وراح وياريت يعود
وقف الألم عن جسم مات  كان هو فارس شعبنا
كان ليه معارك بالمئات على حلم عشناه كلنا
وقف الألم وخلاص وداع  يا بن مصر أمنا
وقف القلم عن الحقيقة وبعده شوفو هيحصل ايه
وقف العرب وقفه سكات وقفه تحيه للى مات
واتشنجو واتنرفزو  واخرهم اصدار بيانات
وخطابات وارسال تعازى وبرقيات
وقف العرب وقفه سكات
وقفه هزيله ذى وقفه فاصل يجى بعديها اعلانات
وياريت بقى يتعلموا
استنوا لسه منتهتش القصه هيطول شرحها
وقف العرب وقفه سكات
اتهندموا واتعطرواولبسوا اشيك البدل وركبوا افخم سيارات
واتجمعوا وعملوا قبليها تليفونات
على فين كده متجمعين متربطين
يا شعب جواه انعدم ريحه الضمير
حرين ولكن لكل حر فيكو سيد
اصل الحر قبل ما يكون برضو حر كان م العبيد
وكل حر عنده سيد
ارجع لموضوعى بقى ومتهوش واتخيلو معايا الوشوش
قلنا العرب متجمعين فى شكل حرين
وهما فى الاصل مربوطين متكتفين
بكلبش مستورد متين
واتجمعوا فى نفس المكان بس الغريب انهم كانوا متفقين
وفى ظل  زحمه المرور ظهر ولد شرطى أمين
على فين يا باشا متجه تقصد شمال ولا يمين
شاورله بصباعه كده ابعد متعرفش ابقى مين
وقال لسواقه التعيس هو ده عيب العرب دايما كده متأخرين
مش برضو عربى حضرته ولا خليط  م بين وبين
واتجمعوا كلهم  وراحو عزو فى اللى مات
وقف العرب وقفه سكات
اسمع بقى
اسامه انور مننا
وقبله انور برضو مات
وسوما وحليم وذكى والدرة ونجيب والسادات
اصحو بقى وشوفوا كام رمز انتهى
ولسه فاضل لينا كام
زهقت وحياه ربنا  من حالى وحال شعبنا
وزهقت من كتر الكلام
amr ibrahim