السبت، 25 يونيو، 2011

هو أنا أتخلقت ليه؟

هوا انا اتخلقت ليه                                                   عمرو ابراهيم
هاعمل قانون .. قانون يحاكم المحاكم الدولية
واعمل قاموس .. والغى فيه اى كلمه عنصرية
هاعمل قانون .. قانون يحاكم الفاشية والنازية
انا ضدد فكرة السامية الاضطهادية
انا ضدد اى فكرة عنصرية
انا مين وايه .. ده مش مهم
بس الاهم هوا انا اتخلقت ليه
اكون شيوعى او يمينى او يسارى
اخوانى سلفى او مارينز او انتحارى
ده كله ليه والاخر ايه
المهم هوا انا اتخلقت ليه
اسمى ولونى .. جنسى ودينى
شمالى نوبى او دورزى كوفى او جنوبى
هتفرق ايه
كل المهم هوا انا اتخلقت ليه
هاصدر بيان .. وسط الميدان
معناه تعالوا نكتشف سر الحياة
واكيد هنعرف كلنا اتخلقنا ليه    
عمرو ابراهيم     

ليست هناك تعليقات:

إرسال تعليق